Jólafrí til 6. janúar 2014

Óska ykkur öllum Gleðlegra jóla.  Hittumst hress á nýju ári, þann 7. janúar 2014.

Síðustu æfingar fyrir jól

Við verðum með körfuboltaæfingu þriðjudaginn 17. desmeber og á fimmtudaginn 19. desember verður síðasta æfing fyrir jól.   Fjölgreinaæfingin verður að þessu sinni jólaæfing. Allir endilega að koma með jólahúfu. Það verða leikjastöðvar og jólamúsík. Kaffi, piparkökur og mandarínur í anddyrinu á meðan æfingu stendur.

Fyrsta æfing á nýju ári verður síðan þriðjudaginn 7. janúar 

Meistaraflokksleikir föstudaginn 13. des, miðar og leiða inn

Á morgun verða 2 leikir að Ásvöllum, meistaraflokkur kvenna tekur á móti Hamri kl. 18:00 og kl. 20:00 tekur meistaflokkur karla á móti Skallagrími.

Ég er með 30 miða fyrir krakkana og það verður því í boði 2 miðar fyrir hvern krakka.

Krakkarnir koma til með að leiða meistaraflokkana inná völlinn og verður það með sama fyrirkomulagi og síðast.  Stelpurnar leiða inn meistaraflokk kvenna og strákarnir meistaraflokk karla.  Vona að sem flestir geti mætt.

Á milli leikja er grillið í gangi að venju, fyrir þá sem vilja fá sér að borða.

Foreldrar geta nálgast miða í afgreiðslunni, starfsmenn íþróttahússins vita af því að foreldrar í byrjendaflokki koma og sækja miðana.

Krakkarnir sem leiða inná völlinn þurfa að mæta í búningunum sínum, eða rauðum bol.  Þau þurf að vera tilbúin 15 mínútur fyrir leik á milli stúkanna (þar sem gengið er inn í salinn á æfingum)

Leikum okkur á næstu æfingu

Á næstu æfingu munum við leika okkur.  Við höfum fengið leyfi fyrir því að nota áhöld skólans, þ.e. kistur, dýnur o.fl.  Stillt verður upp leikjum með notkun þessara áhalda, nokkurs konar Tarsan klukkleikjum.

Vel heppnað ÍR mót

Síðustu helgi tóku krakkarnir okkar þátt í ÍR móti, stóðu sig frábærlega og voru félaginu til sóma.  Það var gaman að sjá hvað þau öll voru áhugasöm og tóku virkan þátt.  Held að allir hafi haft mjög gaman af.

Það voru 2 stráka lið sem tóku þátt í mótinu og það fyrra hóf leik snemma á laugardagsmorgni eða kl. 8:10.  Strákarnir í þessu liði voru þeir, Axel, Leon, Oskar, Óskar, Olafur og Sindri.  Flestir af þessum strákum voru að taka þátt í sínu fyrsta móti og allir stóðu þeir sig mjög vel.

Seinna strákaliðið hóf leik kl. 10:40 á laugardagsmorgninum.  Strákarnir í þessu liði voru þeir Dagur, Helgi, Jerve, Orri, Viktor og Ævar.  Allir í liðinu eru á sínu öðru ári og virkilega gaman að sjá hversu miklar framfarir þeirra eru á milli móta.

Stelpuliðið hóf leik á sunnudeginum kl. 11:55.  Þær sem skipuðu liðið voru Bryndís, Emelía, Halldóra, Ólöf, Sigrún og Snædís.  Sumar voru að keppa í fyrsta sinn og aðrar voru með á mótum á síðasta ári.  Eins og hjá strákunum þá voru þær til fyrirmyndar og stóðu sig frábærlega.

Fleiri myndir úr mótinu má sjá hér til hliðar undir ýmsum myndum.

Jólabingó Hauka sunnudaginn 8. desember

Jólabingó Hauka verður haldið sunnudaginn 8. desember kl. 17:00 í íþróttasal Hauka á Ásvöllum.

Spjaldið kostar 500 kr.
Húsið opnar kl. 16:00
Fjöldi glæsilegrar vinninga.

Heitt súkkulaði m/rjóma og piparkökur til sölu.  Mætum og skemmtum okkur og styrkjum um leið öflugt íþróttastarf Hauka að Ásvöllum.

ÍR mót

Leikirnir fara fram í Seljaskóla.  Foreldrar sjá um að koma krökkunum á staðinn og tilbaka.  Kostnaður við þátttöku í mótinu eru 2.500 kr. og greiðast á staðnum við mætingu í mótið.  Krakkarnir þurfa að vera mættir 20 mínútum fyrir fyrsta leik, tilbúin klædd (í eigin búningum eða rauðum bol) í keppni.

Nú liggur fyrir leikjaniðurröðun fyrir helgina og skipting í liða hjá okkur.  Stelpurnar spila á sunnudeginum og verður þar 1 lið frá okkur sem er skipað eftirfarandi leikmönnum:

Halldóra
Bryndís
Emelía
Snædís
Ólöf
Sigrún

Leikirnir eru á sunndeginum 1. desember á eftirfarandi tímum:
11:55 Haukar - Keflavík1 (Völlur 1)
12:45 Haukar - KR3 (Völlur 3)
13:35 Haukar - Keflavík3 (Völlur 2)

Strákarnir skiptast í 2 lið og fyrri hópurinn er skipaður eftirfarandi leikmönnum:
Óskar Erik
Oskar
Olafur Isaac
Axel
Sindri
Leon
Jóhann Ási

Leikirnir eru á laugardeginum 30. nóvember á eftirfarandi tímum:
8:10 Haukar - Njarðvík (Völlur 1)
9:00 Haukar - Grindavík1 (Völlur 3)
9:50 Haukar - Keflavík1 (Völlur 2)

Seinni hópurinn er skipaður eftirfarandi leikmönnum
Ævar
Viktor
Dagur
Jerve
Orri
Helgi

Leikirnir eru á laugardeginum 30. nóvember á eftirfarandi tímum:
10:40 Haukar - Njarðvík1 (Völlur 1)
11:30 Haukar - Þór Þ.2 (Völlur 2)
12:45 Haukar - FSU 1 (Völlur 1)