þriðjudagur, 28. október 2014

Pizza, DVD og körfuboltaleikur

Skemmtikvöld verður haldið eftir æfinguna á fimmtudaginn sem er 16-17.  Skemmtikvöldið hefst kl. 17:30 á Ásvöllum, hittumst þar í einu af herbergjunum þar sem gengið er inn til hægri eftir að komið er inn á Ásvelli.

Boðið verður uppá Pizzu og horft á einhverja skemmtilega mynd.  Kostnaður á mann er áætlaður um 500 kr.  kl. 19:15 hefst svo leikur Hauka og Skallagríms, vonandi geta flestir mætt á þann leik og horft á saman.  Miðum á leikinn verður dreift á æfingunni á fimmtudaginn, en hver drengur fær einn miða fyrir forráðamann og svo er frítt fyrir þá sem æfa.

Endilega meldið hér inn í athugasemdir hvort ykkar drengur mætir.

föstudagur, 24. október 2014

Tilkynning frá íþróttastjóra

Búningarnir sem iðkendur keyptu á söludegi Errea og Hauka eru komnir í hús og verða til afhendingar í dag kl. 18:00 - 19:15, fyrir leik hjá mfl. kk.  á móti Fjölni.

Komið þessu áleiðis innan ykkar raða, þ.e. á upplýsingasíður ykkar flokka.

mánudagur, 6. október 2014

Cheerios mótið 2014 lokið

Flottu móti hjá KR nú lokið og vel að því staðið í alla staði.  Við mættum með 8 stráka á laugardeginum og 6 á sunnudeginum.  Strákarnir stóðu sig allir frábærlega, jafnt innan sem utan vallar og voru Haukum til sóma.



Hér til vinstri er hægt að nálgast myndasöfn af mótinu, en það eru 2 albúm frá mér (fékk foreldra til að smella af vélinni minni um helgina) og svo er einnig myndasafn frá Magna (pabba Loga)

fimmtudagur, 2. október 2014

Foreldrafundur

Foreldrafundurinn fór fram áðan og mættu foreldrar 8 drengja á fundinn.  Farið var yfir hvernig upplýsingum verður miðlað, þ.e. í gegnum þessa bloggsíðu og með tölvupósti.  Allar helstu fréttir munu koma hingað inn.  Einnig var ákveðið hvaða mót verða sótt í vetur, sjá hér til vinstri.  Síðan munu Marinella (mamma Teits) og Hildur (mamma Axels) hafa frumkvæði að félagslegum atburðum og virkja aðra foreldra með í það starf.

Tilkynning frá íþróttastjóra Hauka

Þriðjudaginn 7. október nk. mun körfuknattleiksdeild Hauka og Errea standa fyrir söludegi á Haukabúningum og vörum á Ásvöllum, milli kl. 17:00 - 19:00.
Kknd. Hauka spilar í Errea búningum í ár eins og síðustu ár og hefur verið mikil ánægja með vörur frá þeim og hefur afgreiðsla verið fljót og góð.
Hægt verður að velja keppnis búninga, máta stærðir, kaupa íþróttafatnað eins og sokka, stuttbuxur, íþróttapeysur, íþróttatöskur og ýmislegt annað.
Auk þess er verið að selja Nike körfuboltaskó á hagstæðu verði.

Við viljum hvetja foreldra og iðkendur til að mæta á þennan söludag. Annar söludagur verður svo á föstudaginn 10. okt., fyrir fyrsta leik hjá mfl. karla á móti Grindavík. 

Cheerios mótið um helgina

Mótið fer fram í KR heimilinu Frostaskjóli, http://ja.is/kr/.  Mótsgjaldið er 2.500 kr. og greiðist þjálfara (Marel) við komu á mótsstað.  Mæta þarf 15 mínútum áður en fyrsti leikur hefst, tilbúinn í búningi eða rauðum bol.  Spilaðir verða 3 leikir á hvert lið og eru 5 leikmenn inná vellinum hverju sinni.  Þegar síðasta leik er lokið, þá fer liðið saman fram í anddyri íþróttahússins þar sem verðlaunaafhending og myndataka fer fram.

Á mótið er skráð frá okkur eitt 2005 lið og eitt 2006 lið.  Sökum þess hversu fáir eru hjá okkur í 2005 árganginum, þá þurfum við að fylla upp í það lið með 2006 strákum.  Vonandi á eftir að fjölga í 2005 árganginum, en þangað til mun ég skipta því á milli 2006 strákanna hverjir spila með þeim.  Liðskiptingin á þessu móti er eftirfarandi:

2005 liðið:
Atli
Gerardas
Logi
Helgi
Teitur
Ævar

2006 liðið:
Alorian
Axel
Dagur
Jerve
Orri
Óskar
Sindri
Viktor

Leikjaniðurröðun 2006 liðið:
Lau kl. 8:30 Haukar - Breiðablik (völlur 3)
Lau kl. 9:30 Haukar - Stjarnan (völlur 3)
Lau kl. 10:30 Haukar - KR (völlur 3)

Leikjaniðurröðun 2005 liðið:
Sun kl. 8:00 Haukar - UMFN (völlur 1)
Sun kl. 9:30 Haukar - KR (völlur 2)
Sun kl. 11:00 Haukar - Ármann (völlur 1)

Ef það eru einhverjir sem ekki komast þá þarf ég að fá upplýsingar um það sem fyrst.

Laugardagsæfingin í Hraunvallaskóla fellur niður vegna mótsins.