mánudagur, 30. september 2013

Foreldrafundur fimmtudaginn 3. október

Á eftir æfingu á fimmtudaginn eða kl. 18:10 verður foreldrafundur að Ásvöllum, vonandi að sem flestir geti mætt.

miðvikudagur, 25. september 2013

Æfingagjöld og niðurgreiðslur

Skráningar og greiðsla æfingagjalda eru nú í fullum gangi og eru forráðamenn minntir á að nýta sér niðurgreiðsluna frá Hafnarfjarðarbæ. Það skiptir því miklu máli að skrá iðkendur sem fyrst til að fá fulla niðurgreiðslu. Eins og er, er enn opið fyrir niðurgreiðsluna í september og því um að gera fyrir þá sem enn eiga eftir að ganga frá skráningu og æfingagjöldum, að ganga frá því strax. Um mánaðarmótin sept/okt dettur niðurgreiðsla fyrir september út. Eftir það, gildir niðurgreiðslan frá þeim degi sem er skráð.

Leiðbeiningar um hvernig staðið er að greiðslum er að finna hér, http://haukar.is/leiebeiningar

Byrjendaflokkarnir geta æft allar greinarnar en greiða bara fyrir 1 árgjald. Forráðamenn skrá hins vegar iðkendur í þá flokka sem viðkomandi ætla að æfa og fellur Bryndís svo niður það sem við á. Sendið Bryndísi tölvupóst svo að hún geti fellt niður umframgreiðslurnar.

Ef það er eitthvað óljóst í þessu, þá endilega hafið samband við Bryndísi í síma: 525-8702 eða á netfangið: bryndis@haukar.is 

mánudagur, 23. september 2013

Æfingin 24. september

Ég verð því miður fjarverandi á æfingu á morgun.  Magni (sonur minn) mun stýra fyrri hlutanum af æfingunni hjá stelpunum 16-17.  Dagbjört mun sjá um seinni hlutann og síðan æfinguna hjá strákunum.

fimmtudagur, 19. september 2013

Möguleiki á fleiri æfingum

Strákar sem treysta sér til að æfa með 8-9 ára strákum, stendur til boða að sækja æfingar á laugardögum kl. 14-15 í Hraunvallaskóla.  Vil þó taka fram að þarna eru strákar að æfa sem eru 1-2 ári eldri, en þó ekki fjölmennur hópur.  Strákar í byrjendaflokki sem hafa þokkalegan grunn hafa fullt erindi til að sækja þessar æfingar líka.

2 stelpur úr byrjendaflokki hafa sótt æfingar hjá 8-9 ára stelpum.  Aðrar stelpur eru flestar að byrja og því ekki tímabært að byrja strax með eldri stelpum.  En ég mun þó skoða það þegar líður meira á veturinn hvort það bætist ekki í hópinn þar.

fimmtudagur, 5. september 2013

Haukadagur sunnudaginn 8.september

Haukadagur verður á Asvöllum næsta sunnudag, þann 8. september frá kl. 13:00-16:00.  Æfingatöflur deildanna verða kynntar og hægt verður að ganga frá ársgjöldunum.  Í iþróttasalnum verða deildirnar með hinar ýmsu skemmtanir og þrautir á milli kl. 13:00-15:00. Nánar um dagskrána kemur á heimasíðu Hauka á föstudaginn, haukar.is

miðvikudagur, 4. september 2013

Fyrsta æfingin

Fyrstu æfingu tímabilsins lokið.  Það varð lítið úr stelpuæfingunni, þar sem einungis 1 stelpa mætti.  Vona að það verði fleiri á næstu æfingu, en í fyrra var þetta flottur hópur sem skemmti sér vel á æfingum.  Endilega að kíkja á æfingu og prófa, taka líka vini með.

Strákarnir voru öllu fleiri og þar af 6 strákar að mæta á sína fyrstu æfingu, hópurinn var því alls 14 strákar. Spennandi vetur framundan og vona að allir haldi áfram að mæta, og að hópurinn stækki jafnvel enn meira.

Vildi benda á að með æfingagjöldin, að fyrir þennan hóp í byrjendaflokki, þá er það þannig að ef greitt er gjald fyrir eina boltagrein, þá gildir það fyrir aðrar líka.  Þannig að ef t.d. er búið að greiða fyrir fótbolta, þá gildir það líka fyrir körfu og handbolta.  Eina sem bæta þarf við er skráning í gegnum þá síðu sem greitt er í gegnum, ekki þarf að borga aftur.  Það verður betur farið yfir þetta á foreldrafundi, sem ég á eftir að boða, en verður væntanlega seinni hluta septembermánaðar.