Búningar komnir í hús

Þeir sem keyptu búninga (eða aðrar vörur) á síðasta söludegi Hauka að Ásvöllum.  Geta nú sótt vörur sínar niður á Ásvelli.

Gengið inn með meistaraflokki miðvikudaginn 30. október

Þann 30. október fara fram leikir í meistaraflokki á Ásvöllum á móti Snæfelli.  Kvennaleikurinn er kl. 18:00 og karlaleikurinn kl. 20:00.

Byrjendaflokkurinn mun ganga inná völlinn með liðunum.  Stelpurnar ganga inn með kvennaliðinu og strákarnir með karlaliðinu.  Mæta þarf 30 mínútum áður en viðkomandi leikur hefst, þ.e. stelpur kl. 17:30 og strákar kl. 19:30.  Þeir sem eiga búninga mega gjarnan mæta í þeim, annars að mæta í rauðum bol.

Frítt er á leikina í boði Valitors.  Krakkarnir fá frítt inná alla leiki.  Fyrir þá sem vilja þá er opið grillið á milli leikja, þar sem hægt er að fá sér eitthvað í gogginn.  Vonandi að ég sjái sem flesta.

Annar Errea söludagur á mánudaginn milli kl. 17:00 - 19:00

Mánudaginn 14. október verður annar söludagur hjá körfuknattleiksdeildinni. Hægt verður að kaupa Errea körfuboltafatnað, undirbuxur, hettupeysur, íþróttabuxur, buff fyrir veturinn og fullt af öðrum íþróttafatnaði verður til sölu.

Tilkynning frá íþróttastjóra Hauka

Skráningar og greiðsla æfingagjalda hafa gengið ágætlega en þó er enn um að iðkendur séu óskráðir. Við viljum því minna ykkur á að ganga í það og höfum við ákveðið að gefa ykkur frest til þriðjudagsins 15. október n.k. til þess að ganga frá skráningum. Skrá þarf í gegnum „Mínar síður“ hjá Hafnarfjarðarbæ en það er eina leiðin til þess að hægt sé að nýta niðurgreiðsluna. Eftir það verða þeir iðkendur sem enn eru óskráðir, skráðir inn af okkur og fá forráðamenn sendan greiðsluseðil heim. Það skiptir því miklu máli að skrá iðkendur sem fyrst til að fá þá niðurgreiðslu sem iðkendur. Ef það er eitthvað óljóst í þessu, þá endilega hafið samband við Bryndísi í síma: 525-8702 eða á netfangið: bryndis@haukar.is

Niðurstöður úr foreldrafundi

Farið var yfir fyrirkomulag vetrarins á foreldrafundi í gær, einnig kynnt hvaða mót verður farið á.

Varðandi æfingar þá er hægt að sjá æfingatöfluna hérna vinstra megin á síðunni.  Strákarnir hafa einnig möguleika að sækja æfingar hjá 8-9 ára á laugardögum 14-15 í Hraunvallaskóla.  Stelpurnar hafa möguleika á að sækja æfingar hjá 8-9 ára.  Æfingarnar með 8-9 ára henta þeim sem hafa góðan grunn og hafa æft einhvern tíma, þau sem eru nýbyrjuð hafa minna erindi þangað.

Mót vetrarins verða eftirfarandi:
30. nóv - 1. des: Jólamót ÍR
18.-19. janúar Actavismótið, Haukar
1.-2. mars Nettómótið, Keflavík og Njarðvík

Söludagur á Ásvöllum 9. október kl. 17-19

Errea verður með söludag á körfu- og íþróttafatnaði í næstu viku, miðvikudaginn 9. okt. milli kl. 17:00 - 19:00 hér á Ásvöllum. Það verður hægt að kaupa keppnisbúninga fyrir iðkendur, undurbuxur, íþróttabuxur, buff, peysur og annan íþróttafatnað. Foreldrar geta líka keypt hettupeysur merktum Haukum.