Afmælishlaup Hauka

Staður og tímasetning
Hlaupið verður haldið föstudaginn 12. apríl kl. 17:00.  Hlaupið verður frá Ásvöllum heimastöðvum HAUKA í Hafnarfirði. Hlaupið er almenningshlaup, ætlað allri fjölskyldunni og hentar ungum sem öldnum.
Hlaupinn verður einn km fyrir hvern áratug sem liðinn er frá stofnun HAUKA.

Vegalengdir
8,2 km án tímatöku. - - 3 km án tímatöku.

Leiðarlýsing
8 km hlaupið verður ræst frá Ásvöllum og hlaupið niður á Norðurbakka og að Hrafnistu. Snúningspunktur við Hrafnistu og til baka.
3 km hlauparar verða ræstir frá Ásvöllum og hlaupinn þægilegur hringur sem endar á Ásvöllum.

Flokkaskipting
Engin flokkaskipting í hlaupunum.

Verðlaun
Úrdráttarverðlaun í báðum vegalengdum.

Skráningargjald
Frítt er í hlaupið og engin skráning.

Tilkynning frá íþróttastjóra

Nú hafa Haukar samið við Hummel og Intersport næst þrjú árin. Allur haukafatnaður mun verða til sölu hjá Intersport í Lindum.

Við verðum með söludaga þriðjudaginn 9.apríl og miðvikudaginn 10.apríl, þar munum við selja nýjan knattspyrnubúning ásamt öðrum vörum, sjá viðhengi.

Sú nýjung verður tekin upp að selja svokallaða Haukapeysu (rennd hettupeysa) sem er ætluð fyrir alla þ.e. iðkendur, fjölskylduna, stuðningsmenn og alla þá sem vilja.

Æfing þriðjudaginn 2. apríl

Fyrsta æfing eftir páskafrí verður þriðjudaginn 2. apríl.  Ég verð fjarverandi á þessari æfingu en hann Siggi þjálfari hjá mb. 8-9 ára, mun vera með æfinguna ásamt Dagbjörtu.

Körfuboltabúðir Hauka um páskana

Körfuknattleiksleiksdeild Hauka mun verða með körfuboltabúðir fyrir krakka í
1.-10. bekk núna í dymbilvikunni. Körfuboltabúðirnar verða með svipuðu sniði
og verið hefur þar sem áherslan er lögð á bolta- og skotæfingar.

Yfirþjálfari búðanna verður Pétur Ingvarsson fyrrum þjálfari mfl. hjá Haukum
og Hamri. Honum til aðstoðar verða Ívar Ásgrímsson, yfirþjálfari yngri flokka
og leikmenn mfl. Hauka verða á staðnum til að leiðbeina og kenna.

• Er fyrir alla krakka, stelpur og stráka í 1. – 10. bekk
• Þrír dagar, mánudagur til miðvikudags (25. – 27. mars)
• Frá kl. 12:00 – 15:00
• Allir fá páskaegg í lokin
• Verð kr. 3.000
• Skráning verður við mætingu á mánudaginn

Páskafrí

Tilkynning frá íþróttastjóra:

"Það er páskafrí frá og með mánudeginum 25. mars og til og með mánudeginum 1.apríl. Þetta er hjá 1.-4. bekk í öllum greinum."

Þetta þýðir það að það verður ekki æfing þriðjudaginn 26. mars, né á skírdag þann 28. mars.

Vel heppnuðu móti lokið

Nú er vel heppnuðu móti lokið og held ég að allir sem tóku þátt, jafnt fullorðnir sem börn hafi haft gaman að. Ég vil koma sérstöku þakklæti til liðsstjóranna sem stóðu sig frábærlega og héldu vel utan um sín lið.  Þau Stefán Borgþórs (pabbi Aðalheiðar), Stefán Reynis (pabbi Margrétar) og Þórhalla (mamma Helga) stóðu vaktina alla helgina sem liðstjórar.  Vil einnig þakka foreldrum sem voru ómetanlega hjálp fyrir okkur liðstjórana og þjálfara.  Síðast en ekki síst börnin okkar sem voru til fyrirmyndar innan sem utan vallar og okkar félagi til mikilla sóma.

 

Gististaður á Nettómótinu

Nú liggur fyrir hvar verður gist, en það verður í Myllubakkaskóla í Keflavík, http://ja.is/kort/?q=Myllubakkask%C3%B3li%2C%20S%C3%B3lvallag%C3%B6tu%206&x=326134&y=393284&z=8&type=map

Haukaliðið í heild sinni verður á sama staðnum.