Bæst í hóp þjálfara

Hann Guðlaugur Gíslason hefur bæst í hóp þjálfara.  Gulli eins og hann er oftast kallaður hefur æft körfubolta frá unga aldri og er í drengjaflokki Hauka (strákar fæddir 1998).  Bjóðum Gulla velkominn  í hópinn, ekki vanþörf á að bæta þjálfara við ört stækkandi hóp.

Actavis mótið

Actavis mótið fer fram hjá okkur í Haukahúsinu að Ásvöllum.  Mótið verður haldið helgina 16.-17. janúar, frítt er fyrir iðkendur Hauka.  Skráið í "comment" hér á þessari frétt hvort ykkar drengir verði með (gott að fá línu líka ef þeir taka ekki þátt)

Jólafri

Jólafrí er skollið á og við förum af stað á nýju ári þriðjudaginn 5. janúar.  Myndir frá fjölskylduæfingunni er að finna hér til hliðar í myndasafninu.

Síðustu æfingar fyrir jól

Það verða æfingar í þessari viku skv. æfingatöflu, áður en jólfrí skellur á.  Síðasta æfing fyrir jól verður því laugardaginn 19. desember.  Á laugardaginn brjótum við aðeins upp hefðbundið fyrirkomulag og höfum fjölskylduæfingu.  Vil því hvetja alla foreldra að mæta á æfingu, systkini mega gjarnan koma líka.  Farið verður í létta skotleiki, ásamt því að spila, m.a. foreldrar á móti drengjunum.  Foreldrar þurfa að mæta í æfingafatnaði og helst með innanhús skó.  Vonandi að sem flestir geti mætt.

Hópmyndir frá ÍR mótinu 2015 (draumalidid.is)

Söludagur Errea

Körfuknattleiksdeildin verður aftur með söludag á Errea fatnaði og búningum miðvikudaginn 2. desember frá kl. 17:00 - 19:00 í anddyri íþróttahússins á Ásvöllum.

ÍR mótið

Þá er vel heppnuðu ÍR móti lokið og sýnist að allir hafi haft verulega gaman af.  Strákarnir stóðu sig frábærlega innan sem utan vallar og voru félaginu til sóma.  Gaman að sjá hversu vel þeir stóðu sig og kraftinn sem þeir lögðu í alla leiki.  Hér til vinstri undir "Ýmsar myndir" er búið að bæta við albúmi af mótinu í myndasafnið.